Хар қандай мамлакатда ривожланган коррупция, унинг жамиятдаги табақаланиш мувозанатини салбий
томонга тез ўзгартириб, у истаган давлатингизда, ҳам тўқ яшаб турган халқни аввал камбағал, сўнгра қашшоқлик гирдобига тортдиган энг ярамас омилларданбиридир. Коррупцияга қарши ўз вақтида курашилмаган мамалакатларда у жуда тез йўқотишнинг ҳеч иложи бўлмайдиган даражага етади ва бир бутун мамлакат аҳолисиниинг кўпчилик қисмини ташкил этадиган қашшоқ оилаларни моддий ва маънавий томондан яксон этувчи, мисоли бир вабодек хавфли касаликдай хавфни пайдо қилади. Коррупциянинг бундай юқори даражасига чиқиб етиши, фойдалик имтиёз ва ресурсларга танқис мамлакатларда тез амалга ошса, бундай жароён миллионлаб гектар ҳосилдор ерга, қазилма бойлик ва бошқа ресурсларга эга мамлакатларда, бироз кечроқ амалга ошиши мумкин. Умуман айтганда охир оқибати мамлакатни бутунлай қамраб олган коррупциянинг кучайиши,
кечагина ривожланиш арафасида турган ва сиз истаган мамлакатингизда ҳам ривожланиш йўлига ўтиб бўлмас тўсиқни юзага келтиради. Хўш, коррупциянинг нима учун бундай қўрқинчли даражага етиш мумкинлигининг асосий сабаблари нимада, деб ўйлашингиз мумкин? Коррупциянинг бундай гуллаб яшнашига асосий сабаблардан бири,
бу мамлакат бошқаруаидаги энг керак бўлган тўғри ва хатоларсиз бошқариш омили бўлган қонун ва конституцион бошқарувга урғу берилиши ўрнинга, мамлакат раҳбарининг ўз фаолиятига масъулиятсизлиги натижасида бу масалага аксинча ёндошиши ёки бундай масъулиятсиз раҳбарнинг ўз лавозмида узоқ ўтриб қолиши ва бундай диктаторнинг якка ва қайсар сиёсатидан бошқа гап эмас, дейиш ўринлироқ бўлар эди.
Бундай диктатура сиёсатининг маҳсул ва охир оқибати мамлакатни нималарга олиб бориши мумкин, деган мантиқан саволга, мантиқан жавобнинг ўзи ҳам тайёр, яъни коррупциянинг қутиришии мамлакат иқтисодини батамом тубсиз жар ёқасига олиб келади ва ўз вақтида коррупцияга қарши курашнинг бирор чораси кўрилмаганда эса бундай мамлакатнинг тубсиз жарга қулаши аниқ ва муқаррардир!
Минг афсусларким, айнан юқорида айтилган шундай коррупциянинг бугунги равшан рисоласини қамоқхоналарида хар кун маҳбусларнинг “Серқуёш ўлка” деб мадҳия қилинаётган бугунги Ўзбекистонда аниқ кўриш мумкин. Яна саволларимизга қайтсак, тубсиз жар ва унга йиқилиш ўзи нима? Бу Президент Ислом Каримовдек юртбошининг юртимизни фаровонлик томонга “бошлаш” эмас, уни “буюк келажак” деб халқни алдаб,
тубсиз жар томон элтиб “ташлаш”га олиб кетаётганидан бошқа гап эмас. Очиқроқ айтганда бундай мамалакатда раҳбарларга коррупциянинг рамзий сояси бўлган порахўрликнинг мамлакат ичидаги истаган жабҳангизда чуқур илдиз отиши ва порасиз бирорта ишингиз битмаслиги ва пора олганда истаган масъул ходимнинг қонунларни четлаб ўтиши,
одатий тус олганининг гувоҳи бўлишингиз мумкин. Бундай мамлакат рахбарининг халқига қилган тантанали қасамёдларини қасамхўрларча унутиб, ўзигнинг лавозмий имтиёзларидан фақат, ўз шахсий ва оилавий манфаатлари йўлида фойдаланаётганининг ўзиёқ алоҳида улкан ва аянчли мавзуъга айлантириб ўрганишга арзийдиган соҳага айланиб қолган..
Ўзбекистонда диктатор Ислом Каримов эса юқоридаги айтилган ҳамма салбий иллатларни ўзида тўла мужассамлаштирган ҳолда, яна давлат бойлик ва бюджет маблағларини унинг асл эгаси бўлган халққа юздан бирини бериб келмоқда. Катта маблағни ўзи ва қизлари эга эгаллаб, қолган қисмини ўз обрўсини оширадиган шов шувли тадбир ва қурилишларга ажратиш ва яна ўзнинг умирбод ҳукмдорлигини таъминлаш учун,
куч ишлатар органлари ва суд прокуратура органларини ҳам ўзининг шахсий тан қўриқчиларита айлантирилиб, уларга катта маошлар белгилаб келмоқда. “Сиздан угина, биздан бугина” қабилида иш кўраётган Каримов ўзига содиқ ва унинг барча жиноий буйруқларини сўзсиз ижро этаётгани эвазига бу амалдорларнинг хар қанча қонун бузарликларига кўз юмиш эса,
бу амалдорларга халқни истаганча қийнаб ва талашга имкон бериб келмоқда. Бундай ҳолатлар ўз раҳномаларининг саҳий илтифотлари туфайли эркатой амалдорларнинг катта бойлик ва тобора юқорилаб борадиган лавозимлар соҳибига айлантириб қўймоқда. Халқ турмуш ва ҳаётининг аҳволи чидаб бўлмас оғир даражага етган ва унинг бугунидан
эртаси баттарлашган бу халқнинг арз-додини бирор кимса тингламай қўйган. Масалан оддий фуқаоларнинг оғир яшаш тарзи қандай кечишига бир эьтибор қилганда, камбағал ва қашшоқ оилалар айнан қиш келганда совуқдан азоб чекишини йўл қўйилган бир хато деб тушунилса, бундай хатонинг келаси йилга чораси кўрилган бўлар эди,
бу аҳволнингбирнеча йиллардан бери давом этиб унинг отатий тус олгани эса, бу президент Каримовнинг асло хатоси эмас, унинг ишониб сайлаган кўпмиллионлик халққа нисбатан хурматсизлик ва менсимаслигининг яққол намунасидир. Бугунги халқнинг ўз болаларига нон топишдек қийин муаммоси устига, яна тўлиб кетган қатор муаммоларига қўшимча,
уларнинг айниқса қаҳратон қишда газ ва электрсиз, яна кўпчиликнинг ичимлик сувсиз азоб чекишларини кўриб ҳайрон қоласизки, наҳотки президент буларни билмаса деб айтишга мажбурсиз!. Хўш камағал ва қашшоқларнинг яна санайверсак неча муаммолари бор десак уларни айтавериб тугатиб бўлмайди.
Қўшалоқ, тўла коррупциялашган Ўзбекистондаги бугунги ва ёвуз диктаторлик режимидан етган кулминация даражасидан Ўзбекистон хукумати ҳам, унинг муҳолифати ҳам ва бугунги халқнинг оғир аҳволи ҳам ечиб бўлмас ва боши берк кўчага кириб қолган дейиш мумкин холос! Минг афсусларким, бундай 18 йиллик Ўзбекистондаги сохта ва қўштирноқ ичидаги
“МУСТАҚИЛЛИК” туфайли кўпмиллионлик ўзбек халқи азоб чекиб келмасин, унинг озодлик ва эркинлик учун кураши Каримов диктатурасига қанчалар қурбон берди, қанча минглари қамалди, ва қанчалари мажбуран қувғинларга дучор бўлгани ва унинг арз ва шикоятларидан хабари бор.
Жаҳоннинг энг нуфузли на Халқаро органлари бўлган ЕХХТ ва на БМТ ташкилотлари ҳам қандайдир жумбоқли ва шубҳали туюлган йўлдан бориб, бундай ачинарли ҳолатдан кўз юмиб келаётганлари айниқса ачинарлидир!.
Турлибеков Ёдгор