30 август куни, Арнасой туман жиноят ишлари бўйича суд биносида, судья Лутфулло Мамаражабов раислигида ҳуқуқ ҳимоячиси Оязимхон Хидированинг иши кўриб чиқилди. Бу суд жараёнида, прокурор Дилшод Бойназаров ва адвокат Комол Лапасов ҳамда ишончли вакил ШХХККнинг вилоят бўлими раиси Зиёдулло Раззақовлар иштрок этишдилар.
Судда раислик этувчи Лутфулло Мамаражабов О. Хидировга нисбатан 29.08.09 й.да эълон қилинган Амнистия Актининг 2-чи ва 7-чи қисмлари қўлланилгани, ҳуқуқ ҳимоячисига нисбатан жиноят иш тўхтатилганини ва озод этилгани ҳақида эълон қилди. Шундан сўнг О. Хидирова суд залидан озод этилди.
Ушбу судда қўлланилган Амнистия Актининг 2-чи ва 7- чи қисмлари қўйидагича:
1. “2. Эҳтиётсизлик oрқaсидa жинoят сoдир этгaн шaxслaр, шунингдeк, ижтимoий xaвфи кaттa бўлмaгaн ёки унчa oғир бўлмaгaн жинoят сoдир этгaнлиги учун биринчи мaртa ҳукм қилингaн шaxслaр жaзoдaн oзoд қилинсин”;
2. “7. Ушбу қaрoрнинг 1 вa 2-бaндлaридa қaйд этилгaн шaxслaр тoмoнидaн сoдир этилгaн жинoятлaр юзaсидaн oлиб бoрилaётгaн бaрчa ишлaр тугaтилсин”.
28 июнда қамоқга олинган, яъни, бир ойдан ортиқроқ қамоқда сақланган Жиззахлик фермер, ҳуқуқ ҳимоячиси Оязимхон Хидирова, аввало, Ўзбекистон ичкарисида фаолият кўрсатаётган барча мухолифатчиларнинг ва Халқаро ташкилотларнинг саю ҳаракатлари ҳамда Амнистия Акти туфайли оиласининг бағрига қайтди. Озод этилган О. Хидировани Жиззахлик дўстлари оиласига олиб бориб кузатиб келишдилар.
Шахс ҳуқуқларини ҳимоя қилиш Халкаро қўмитаси (ШХХКК)
Жиззах вилоят бўлими раиси Зиёдулло Раззақов,
Ўзбекистон инсон ҳуқуқлари жамияти
Жиззах вилоят бўлимининг (УИХЖ) раиси Бахтиёр Ҳамраев.
2009 йил.
Жиззах шаҳри.