Қачон ҳалқ бўласан
Eй сен, оламон!
Абдулла Орипов
Тарихдан маълумки ҳеч бир замонда ўзбек халқидек ҳеч ким зулум кўрмаган. Ҳеч бир ҳалқнинг подшоси ҳалқига ҳозирги вақтда ўзбек халқи подшоси кўрсатаётган зулимни кўрсатмаган. Нима учун бошқа халқлар зулим кўрмайди?- деб сўрашингиз мумкин. Бошқа халқлар бирлашади, оналари болалари учун ҳеч нарсадан қайтмайди. Биз жуда узоқ сукут сақладик, кўпгина болаларимиз очилмаган гул каби ҳазон бўлди, ҳазон бўляпти.
Онажонлар, сукутни бузадиган вақт келди! Бирлашиб болаларимизга ёрдам берайлик! Ахир биз онамизку. Боласи турмаларда ёшниҳол жонига жувонмарг бўлаётганини, келинлари тул, неваралари хор, сарсон бўлаётганини бизчалик бағри тошлик билан қабул қила оладиган она бўлмаса керак. Уруш пайтларида ҳам ўзбек оналари ўнталаб турли миллат болаларини боққан, ҳимоя қилган, наҳотки биз бугун ўз болаларимизни қурбон берамиз.
Қўзиси сўйилса йиғлайди қўйлар
Сўйилган миллатни айтинг ким уйлар?
Юсуф Жумаев
Оналар, ҳар бир ўзбекнинг боласи менинг болам демаган она ҳақиқий она эмасдир. Ўзбекнинг боласи қамоқдан қамоққа кўчирилиб ҳар бир қамоқда минг ўлдирилиб тирилтирилаётган бир пайтда қараб туришимиз жуда ҳунук иш. Болаларимизни ҳимоя қилайлик!
Тўмарис момомиз каби журъатланайлик, болаларимизнинг озодлиги учун курашайлик, яраланган шердан, яраланган илондан, дили яраланган аёлдан қўрқ дейишган. Ахир бизнинг дилимизчалик яраланган дил бўлмаса керак. Бизчалик ҳеч ким хўрланмаган бўлса керак. Энди фақат биз курашмоғимиз керак!!!
Бешикдадир қулим, турмада юлим
Қачон келар экан душманга ўлим,
Уйда болам дейман турмада ёрим,
Қачон келар экан душманга ўлим,
Ичганим оғудир еганларим қон,
Ҳеч бир жон бўлмаган менчали сарсон,
Тунларим уйқим йўқ санчийди қалбим,
Нега келмайдия душманга ўлим,
2001- йил
Туни билан йиғладинг осмон
Наҳот сенинг ёринг қамоқда
Болаларинг қамоқда букун
Ё дардлашдинг мен билан бу тун
Гўдакдирлар улар жуда ёш
Азобларга беролмас бардош
Ёрим содда ҳақдир байроғи
Золимларга бўлиб зомондош
Туни билан йиғладинг осмон
Дардларимга фақат сен шерик
Кўз ёшларим туҳтатолмайман
Тун-кун билан йиғлайман осмон
2007- йил
“Бирдамлик” ҳаракати, аёллар фаоли Олтиева Гулнора.