Бошқа бир мактабда ўқитувчи бўлиб ишлайдиган аёлим олган маошини дастурхон четига қўяди: – Мана,ойлик олдим, 20 минг сўм.
Ҳайрон бўлиб сўрайман: – Нимага 20 минг сўм. Дунёда 20 минг сўм деган ойлик ҳам бўлармикан.
Аёлим тушунтирмоқчи бўлади: – Ўтган ой мактаб директори 4 та мардикор ишлатиган, мардикорларга берган пулини биздан йиғиб олди. Ўтган ойда яна мактабимизни республика прокуратурасидан текширишган. Мактаб директори уларгаям фалон минг дўллар пора берган. Ўша берган пулини биз ўқитувчиларди ойлигига “ёйиб” юборди.
Прокуратура ходимларига пул бермасангиз дарров хота топишади. Мактабга мажбуран арча кўчати тарқатилди, унгаям бизнинг ойлигимиздан пул олиб қолишди. Яна. Хамза театрига мажбуран билет тарқатишган. Хуллас, аёлим нега 20 минг ойлик олганини узоқ тушунтиради. Мен эса тушунмайман. Кимсан Республика прокуратураси ходимлари қандай виждон билан мактабларнинг пулини шилса.
Одам уялиши керак. Қандайдир нопок, сохта махсулот ишлаб чиқарадиган тадбирокрни айбини топиб катта пулини ол. Ёки мансабдорнинг эркатой ўғлининг жиноятларини яширсанг ҳам яхшигина пул беришади. Келиб-келиб олган иш ҳаққи нон ва картошка сотиб олишга етмайдиган мактаб ўқитувчиларини қийратасанми.
Албатта, мактабларимизда тамагирликдан йироқ тоза ўқитувчилар ҳам етарлича топилади.
Кўпинча мактаб директори, унинг ёрдамчиолари ва яқин қариндошлари ўқувчилар чўнтагини шилиш билан шуғилланади.
Қурбон