30 апрель пайшанба куни маҳаллий вақт билан соат 21:00 ларда Қарши шаҳридаги 21-йўналиш бўйича қатнаётган “ДАМАС” русумидаги кўп ўринли автомашина Эшон-шаҳид мозори кўчасида катта тезликда КАМАЗ машинаси остига кириб кетган. Кескин тўқнашув натижасида портлаш юз берган. Машина ичидаги етти нафар йўловчи ва ҳайдовчи нобуд бўлган.
Куни кеча Сурхондарё-Тошкент йўналишида содир бўлган ҳодисадан кейин шошилинч ёрдам ўрнида вилоят шифохонасида 40-та ўрин аввалдан бўшатиб тайёр қилиб қўйилган, бунинг учун шифохонада даволаниш муолажаларини олаётган, шифокорлар наздида енгил касал деб топилган фуқароларга зудликда жавоб бериб юборилган.
Кўнгилсиз воқеанин кейинги тафсилотлари ва кўрилаётган қўшимча чоралар хусусида маълумот олиш учун вилоят фавқулодда вазиятлар бўлимига мурожаат қилинганида, навбатчи шундай жавоб қилди: “Ҳозир бўлимда ҳеч ким йўқ, авария бўлган захоти ҳамма ўша ерга чиқиб кетган, у ер билан ҳатто алоқа ҳам йўқ, сабаби антенна у ердан ушламайди. Шу сабабли ҳеч қандай информация бера олмайман”.
Фавқулодда вазиятлар ходими алоқа йўқлиги туфайли воқеа жойидаги вазият билан нотанишлигини айтаётган бир пайтда, вилоят аҳли 30га яқин йўловчи нобуд бўлгани, етиб келган давлат ходимлари эса, қутқарув ишлари четда қолиб, ўлганларнинг сумкаларини
ташигани шунингдек, мобил телефонлари, қимматбаҳо тақинчоқлари ва пулларини талаганлари ҳақидаги овозалар билан яшамоқда.
Шу билан бирга, норасмий маълумотларга кўра, кўнгилсиз воқеа туфайли вилоятга мамлакат ИИВлигидан ҳам масъул ходим етиб келган. Аксар Интернет нашрлари ва ҳорижий ОАВлар воқеа юзасидан тезкорр хабар тарқатиб, кейинги тафсилотлар билан қизиқаётган бир пайтда Ўзбекистон ОАВлари одатига кўра сукутда қолмоқда.
Эслатиб ўтиш жоиз ўтган ҳафтанинг пайшанбадан-жумага ўтар кечаси Қашқадарё вилоятининг Ғўзор-Кўкдала йўналишида кетаётган “Mercedes” русумидаги йўловчи ташувчи автобус йўл четида турган экскаваторга урилган. Юз берган тўқнашув натижасида, дастлабки маълумотлар бўйича 26 киши жойида нобуд бўлгани айтилган эди, аммо орадан икки кун ўтгач, нобуд бўлганлар сони 30-га етгани маълум бўлди.
Маълум бўлишича тўқнашувга сабаб бўлган экскаватор йўл четида омонат тўхтатилган бўлган, боз устига тунги пайт ўрнатилиши шарт бўлган огоҳлантирувчи белгиларни қўймаган, айнан мана шу эҳтиётсизлик тўқнашувни юзага келтирган. Норасмий маълумотларга кўра, бу пайт автобусда 53 нафар йўловчи бўлган, автоҳалокатдан омон чиққанлар вилоят шифохонасига етказилган. Таҳминларга кўра, экскаватор темир йўл қурилиши билан шуғулланувчи компанияга тегишли ва афтидан тўқнашув учун жавобгарлик компания зиммасига ётади.
Нодир Ахатов