Фермер хўжалигимнинг “4 гектар” ерига буғдой эккандим. Давлат режасини бажарганимдан сўнг ўзимга 4 тонна буғдой қолди. Шундан 1 ярим тоннадан ортиқроқ буғдойни қариндош уруғ ва ночор оилаларга тарқатдим.Ўзимга 2 ярим тонна буғдой қолди. Ўтган 2008- йилнинг июнь ойидан бошлаб октябрь ойларигача Жиззах деҳқон бозорида буғдойнинг нархи 750,800 сўмгача кўтарилди.
Айни кунларда эса буғдойнинг нархи кескин тушиб кетди.Бозорда хозирги кунда 1 кило буғдойнинг нархи 250-300 сўм. Нархнинг тушганни яхши албатта.
Лекин мен буғдойнинг килосини 1500 сўмдан сотишнинг йўлини топдим. Бунга эришиш учун бозордан 40 та товуқ олдим.Шундан 30 таси тухум қилмокда. Кунига эрталаб 1 кило, кечга 1 кило,яъни кунига 2 кило буғдой бераман ва ҳар куни ўртача 15 та тухум оламан.
Ҳозирда бозорда тухумнинг донаси 200 сўм. Кунига 15 та тухумни 3000 сўмга сотаман. Карабсизки менинг 1 кило буғдойимнинг нари 1500 сўм бўлаяпти.
Илгари 2000 – 2006- йиллари фермерларга давлатга сотган пахтасининг чигитини фермернинг ўзига беришарди.Фермерлар эса чигитни қайта ишловчи заводлари билан шартнома асосида ўзларига тегишли бўлган чигитнинг ёғини,кунжарасини,шлюхасини олишарди.
Кейинчалик, жумладан 2006- йили фермерларга чигитнинг ёғини бериш, 2007- йили эса кунжара билан шлюха бериш ҳам тўхтатилди.Агар менга илгаригидек ўзим етиштирган пахтанинг чигити ўзимга берилганда шу кечаю- кундузи 4 та бўрдоқи боққан бўлардим.Бундан аввало оиламнинг тўкислигини ва ҳамқишлоқларимнинг гўштга бўлган талабини таъминлашга эришардим.
Вилоят бўйича жами 6000 мингдан ортиқроқ фермер бор.Ҳар бир фермер 4 тадан мол боқса 2.400 000 та мол боққан бўларди.Бундан эса ҳам фермер, ҳам давлат, ҳам халқ фойда кўради.Бозорларимизни сифатли маҳсулот билан таъминлаб нархнинг пасайишига эришган бўлардик.
Мана фойда қаерда.
Мамир Азимов.
Жиззах тумани.
10.03.09.