Шу йилнинг 3-феврал куни Жиззах вилояти Дўстлик туманида бир группа 1990-йилда туғилган 20 дан ортик ўсмир болалар электор токининг тартибсиз узилишлари, узликсиз 7 соатлаб ўчирилишидан норози бўлган ва туманининг электор тармоқлари бошқармаси биносига боришган.
Улар навбатчи электрикдан жойлардаги электор тармоқлари тартибсизликларга нуқта қўйилишини ва чироқларни ёқишни талаб қилишган. Навбатчи уларнинг талабини бажаришга ўзининг имкони йўқлигини тушунтирган, бироқ болалар талаб қилишда давом этишган. Тортишув натижасида ораларида жанжал келиб чиқган ва болалар бино ичкарисига киришиб бинога ҳамда бино ичкарисидаги жихозларга турли даражада зарар этказишган-да, воқеа жойидан қочиб қолишган.
Дўстлик туман Ички ишлар бошқармасининг қидирув бўлими томонидан бу талабчан ёшлар қидириб топилган ва Дўстлик туман Ички ишлар бўлимига олиб келинганда қамаб қўйилган. Шундан сўнг бу ёшларни ҳимоя килиш мақсадида 60 дан ортиқрок катта ёшдаги болалар чиқишиб Дўстлик-Тошкент қатнов йўлини тўсиб қўйишган. Бу воқеадан дархол хабар топган рахбарлар воқеа жойига етиб келишган ва музокора олиб борган, ҳамда намойишчиларнинг талабларини қондиришган. Яъни Дўстлик туман ИИБ да сақланаётган болаларни чиқаришган.
-Бўлиб утган бу воқеалардан сўнг уйларимизда чироқлар керакли пайтида ёнадиган бўлди. Биз хам рўзғор ишларимизни электор токига қараб графиклаштириб олганмиз-дейди бир группа Дўстлик тумани аёллари.
Бундай график тартиби бўйича ўчиришлар Жиззах вилоятининг биргина Дўстлик туманидагина эмас барча туманларида мавжуд. Масалан Жиззах тумани ҳокими З.Сайидов билан Жиззах ТуманЭлектор Тармоқлари бошлиғи ўртасида томонларнинг юмолоқ мухри ва имзоси билан тасдиқланган бир кун мобайнида ўчириш соатлари жадвалини олиб таҳлил қилайлик. Х.Олимжон ва Ўзбекистон хўжаликларида эрталабки соат 4 дан 9 гача ток берилади. Соат 9 дан 11 гача ўчирилади. Соат 11дан 14 гача ёниб 14 дан 16 да ўчирилади. Бир кунда иш вақтини саккиз соат десак соат 9 да иш ёки ўқиш бошланди десак, шундан атиги 4 соатигагина электор токи берилади холос. Шу 4 соатнинг ҳам бир соати, яъни 13 дан 14 гача тушликка тўғри келади-да кун давомида атиги 3 соатгина электор токидан фойдаланилаяпти.
Бу тартибли тартибсизликлардан жойлардаги бир қанча мактабларда компютер дарслари қолиб кетмоқда, олийгоҳларда, коллежларда болалар компютер билан шуғулланишолмайди, интернет кафелар вақтида ишламайди, хусусий тадбиркорлар, кичик корхоналар,тикув цехлари,кўл телефонига пул ўтказиб берувчи пайнетлар, ошхоналар зарар кўришмоқда.Чунки улар бир қанча ташкилотлар билан йил бошидан бошлаб шартномалар тузишган.Бу шартномаларнинг эса бажарилишини талаб қилиниши аниқ.
Бажарилишини таъминлашда эса «электор токи йўклиги сабабли » -деган баҳона кетмайди. Бундан ташқари давлатга солиқ тўлаб боришади. Бу солиқлар йиғиндиси вилоят бўйича олинганда катта суммани ташкил қилади албатта. Техника ривожланиб бораётган бир пайтда ёшларимиз ҳар томонлама, айниқса компютер сохасида билимдон бўлса, хусусий тадбиркорларимиз, кичик корхоналаримиз бой бўлса, солиқларни ўз вақтида тўлаб борса бундан давлатимиз катта фойда кўради. Биз электор токини тежашимиз натижасида юқорида айтиб ўтган катта фойдамизни бой бериб қўймаяпмизмикин?
Саида Курбон.
Жиззах вилояти
Пахтакор тумани.
20 02 2009 йил.