Бойсун тумани “Тузбозор”махалласида яшовчи фуқаро Гулнора Сафарова уч йилдан
буён ўз хонадонида “меҳмон” бўлиб яшаб келмоқда эди. Гулнора Сафарованинг бизга сўзлаб беришича Шеробод туманлараро “Фуқаролик ишлари бўйича суд”и 2008-йил октябрь ойида ҳал қилув қарорини чиқарган. Ушбу ҳал қилув қарорга кўра фуқаро Г.Сафарова “Тузбозор” маҳалласига қарашли 18-хонадондан мажбурий равишда чиқарилиши керак экан. Мен Сафарованинг ушбу гапларига ишонмаган эдим, у менга суд қарорини кўрсатди.
“Адолатпарвар суд ҳайати” менинг фикрларимни инобатга олмади. Худо раҳматли турмуш ўртоғим уй-жойимизни менинг номимга ва фарзандларим номига хужжатлаштириб кетган эдилар. Уйимга энди эса, хўжайнимнинг ўз укаси даъвогарлик қилмоқда. Қайноғамнинг “ишончли вакили” Ҳолиқ Ҳурсандов менга қарши ноқонуний хужжатлар тайёрлаб, фрибгарлик қилиб судни лақиллатиб келган ва менинг ўз уйимдан чиқиб кетишим учун барча чораларни қўллаган,-дейди Гулнора Сафарова
Куни-кеча Шеробод туман судининг 2008-йил октябрь ойида чиқарилган қарори ижросини тўлиқ таъминлаш мақсадида, Бойсун туман ИИБ, ҳокимият вакиллари ва туман ўт ўчириш ташкилотидан одамлар келиб, босқинчилар ўхшаб, уйимга бостириб киришди. Улар ҳар қанча қаршилик қилмай уй-рўзғор анжомларимни олиб кўчага отиб юборишди ва мебелларимни бир машинага юклаб, онамнинг уйига олиб кетишди.
Мен эса болаларим билан кўчага қолиб кетдим. Нима қилишимни ҳам билмайман. Менимча бирдан-бир йўл қолди. У ҳам бўлса Бойсун туман ҳокимияти биносининг олдига бориб ўзимни ва болаларимни устига бензин сепиб, ўт қўйишдир, -дейди фарёд чекаётган Г. Сафарова.
Зоҳир Шоҳ