ЗОҲИР ШОҲ
Бойсун туман коммунал хўжалик ишлари бўйича раҳбари М.Хамроев бизга
қўйидагиларни сўзлаб берди:
-Мен якунланиб бораётган 2008-йилда Бойсун туманидаги “Работ” ширкат хўжалигига қарашли 66-сонли мактаб биносини таъмирлаш мақсадида ўтказилган тендерда қатнашиб, ғолибликни қўлга киритган эдим.
Мактабни тўлиқ таъмирлаш ишлари учун бюджетдан 1 миллиард сўм маблағ ажратилганди. “Работ” ширкат хўжалигига қарашли 66-сонли мактаб биносини янги ўқув дарслари бошлангунга қадар таъмирлаб, барча ишларни бир ой олдин тугатдик. Шундан сўнг мактаб таъмирлаш ишларини кўриш учун Сурхондарё вилоят ҳокимининг қурулиш ишлари бўйича мувоини С.Рамазонов келиб, бинони кўздан кечирди ва “таъмирлаш ишларида айрим камчиликларни тезда тугатиш тўғрисида” кўрсатмалар бериб кетди.
Биз кўрсатилган камчиликларни дарҳол тугатдик. Орадан икки ой ўтгандан сўнг, Бойсун туман МХХ нинг қурулиш ишлари бўйича куратири, ўзини Шавкат, -деб таништирган шахс келиб, мактаб биносини такроран кўздан кечирди ва:
-Ишларингиз ҳаммаси паччава. Мен билан бирга юринг, – деб Бойсун туман МХХнинг “подвали”га 10 кун қамаб қўйди.
Шундан сўнг ўша МХХга 10 минг доллар “кўки”дан пора беришга мажбур бўлдим ва ОЗОД этилдим. Ҳа, мени ҳибсхонадан қўйиб юборишди.
Мен ҳозирги кунда бойсунлик фуқаролардан процентга пул олиб, мактаб биносини таъмирлаш ишлари вақтида “йўл қўйилган камчиликларни тугатиш учун” фоиз тўлаб келмоқдаман.
Емаган сомсамга пул тўлаган бўлиб тўлаётган фоизли тўловларимни ва МХХга берган 10 000 доллар пулимни қўшиб ҳисоблаб кўрсам жами100 минг АҚШ долларини ташкил этар экан.
Содда қилиб айтадиган бўлсам, мени синдиришди!
Дардимни кимга айтишни билмайман.
Мени тинглайдиган бирон-бир расмий идора бормикан?