Бойсун туман “Пасурҳи” қишлоғида яшовчи фуқаро, ишбилармон Раҳматулло Улуғов 2008-йилнинг 28-сентябрь куни Бойсун туман ИИБ нинг вақтинчалик бошқарувчи вазифаси бажаручи ходими А. Авлиёқулов томонидан “Бойсун мол бозори” ҳудудида ҳибсга олинган.
Мен “Бойсун туман мол бозор”ига мол олгани ўзимнинг шахсий “ИСТАНА” русумли автомашинамда келгандим. Кейинчалик билсам мол бозори ҳудудида “рейд” ўтказилаётган бўлиб, ушбу рейд ишида туман прокуратураси ва туман ҳокимиятининг маъсул ходимлари ҳам иштирок этаётган экан.
Мен машинамни тегишли “автомобиллар қўйиш шаҳобча”сига қўйиш учун ҳаракатланаётгандим, туман ИИБни вақтинчалик бошқарувчи ходим А.Авлиёқулов “Онангни фалон қилай!
Кўрмаяпсан- ми таъқиқловчи белгини?”-деб қолди.
Мен ҳам бўш келмай: “Сенинг онангни мен фолон қилай! Нима ҳаққинг бор менинг онамни ҳақорат қилишга?”- деб ёққасига чанг солишга отланаётгандим, туман ИИБ нинг маҳсус “отреядь”чиларидан ўн киши устимга ёпирилди.
Мени туман ИИБ нинг КПЗ сида роса, кўнгиллари тўлгинча дўппосладилар.
Орадан уч кунлар ўтганидан сўнг, уйимга ИИБ ходимлари олиб келиб қўйишди. Мен эртаси куни Шеробод туман “Медэкспертизация” бўлимига тиббий кўрикдан ўтгани бордим.
Мени Шеробод туманига боришимни билган туман ИИБ нинг маъсул ходимларидан икки нафари йўлда кутиб турган экан.
Улар менинг қўлларимга кишан солишиб уйга олиб келиб ташлашди ва:
-Агар яна тиббий кўрикдан ўтиш учун, Шеробод туманига борсанг. Ўлдим деявер,-деб мени огоҳлантириб кетишди. Шундан сўнг мен юқори ташкилотларга, Республика органларига мурожаат қилдим. Лекин шу кунга қадар бирон-бир натижа бўлмади”-дейди Раҳматулло Улуғов.
ЗОҲИР АЛЛАМ.
Сурхондарё вилояти.