Сўз Солижон Абдурахмоновга

«Мен, Абдурахмонов Соли Абдураимович, 1950 йил туғилганман, Амударё тумани, сельского схода граждан «Тўлқин» қишлоқ фуқаролар йиғини ҳудудида яшайман, Нукус шаҳрининг Досназаров кўчасида, 2008 йил 7-июн куни соат 19 ларда, йўл ҳаракат ҳавфсизлиги бошқармаси ходимлари томонидан тўхтатилдим.

Ёнимда ўзим билан ҳужжатларим бўлмагани учун, менинг бошқарувимдаги «Жигули» машинаси Тошкент шаҳрида яшовчи акамга тегишли эканлигини, ишончнома асосида ҳайдаётганлигимни тушунтирдим. Барча ҳужжатлар жойида эди, бироқ машина таъмирланаётгани учун, уларни ёнимда олиб чиқмагандим. Менинг таклифимга кўра квартирадан ҳужжатларни келтиришди.

Маълум бўлишича, Нукусда ўша куни «Қора дори» амалиёти ўтказилаётган экан. Милиционерлар ёнида иккита хизмат итлари ҳам бор эди, милиционерлардан бири, кейинчалик маълум бўлишича Сарсенбай Айтимбетов исмли кинолог Макс лақабли хизмат ити билан машина атрофида айлана бошлади.

Айтимбетов икки марта машина атрофини айланди, бироқ ит машинада наркотик модда борлигига бирор ишора аломатларини кўрсатмади. Мен, машинамда ҳеч қандай наркотик моддалар бўлиши мумкин эмаслигигига мутлақ ишонганим учун, милиционерлар Билан ҳазиллашдим: «Агар кўпроқ топсангизлар, бўлишамиз».

«Жигули» атрофини ҳеч бир натижасиз айланиб бўлгач, мен кинолог Айтимбетовга дедим: «Кучукни гўшт билан боқиш керак, у ҳеч нарсага эътибор қилмаяпди, бунинг устига озиб кетибди». Бунга жавобан Айтимбетов, Макс «Жигули»нинг олдги қисмида наркотик борлигидан шубҳа қилаётганини айтди ва очиқ турган ўнг эшикнинг ром қисмига ишора қилди.

Мен Айтимбетовга дедим: «Агар ромга бирор нарса ташлашган бўлишса ажаб эмас, чунки, «Жигули» 1990 йил чиққан, мен эса унда 2007 йилнинг сентябридан буён юрибман (бор йўғи уч марта бензин қуйдим!).

Бу вақтга келиб, етиб келган бошқа тезкор ходимлар текширишга тушиб кетишди. Улардан бири капотни очишимни сўради, тезгина мотор, сув баки турган жойларни текширди, кейин салонни текширган бўлди, агар адашмасам у салонга кирмасдан текширди. Айни пайтда, текширувчи ҳатто орқа ўриндиқни кўтаргани ҳам йўқ ва тезгина автомобилнинг юкхонасига ўтди.

Юкхонадаги машинанинг пластмас идишлар, эски куртка, турли калитларни олиб асфальтга ёйишди. Юкхонани тозалашганидан кейин, гиламчани кўтаришди… ва ёнилғи баки ёнидан қора целлофан пакетни олишди, унда, кейинчалик экспертизанинг маълум қилишича, 114 грамм марихуана ва 5,98 грамм қора дори бор эди. Марихуана «Караван» газетаси парчасига ўралганди.

Шу ерда мен билан бирга келаётган дўстим Файзулла Абдуллаев, топилган нарса, наркотик бўлмасдан бошқа нарса бўлиши ҳам мумкин деди. Мен унга: «Атайлаб ташладими, демак уларнинг ҳақиқий бўлмаслиги ҳақида гап ҳам бўлиши мумкин эмас» дедим.

Шу заҳоти, ишнинг жиддий эканлигини англаб, ёнимизда турган икки нафар холис йигитларга қарата дедим: «Эслаб қолинглар, итлар наркотикка мутлақо эътибор қилишгани йўқ». Мен бу гапни ҳар бир холисга қайтариб айтдим ва уларни огоҳлантирдим: «Бу жуда муҳим жиҳат».

6-август куни, 7 июн куни қўзғатилган 26184 рақамли жиноят иши билан танишиб чиқиб, ҳайратга тушдим: холислар менинг илтимосим – огоҳлантиришларим ҳақида гапиришмаяпти, терговчи эса бу муҳим эпизод юзасидан саволлар бермаяпти.

Шунингдек, жиноят ишига ҳибсга олиниш, наркотикларни қидириш пайтида олинган, видео ёзув диски тиркалмаган, шунингдек ушбу видеоёзув ҳақидаги баённома ҳам йўқ.

Бизнинг бу тўғридаги сўровимиз ҳанузгача рад этилиб келинмоқда. Гарчи жиноят ишида кинолог Сарсенбай Айтимбетов: «Текширув пайтида «Жигули»нинг юкхонасидан менинг хизмат итим қандайдир тақиқланган модданинг ҳидини сезди». Қорақалпоғистон ИИВ опергуруҳи капитани Жасурбек Камолов ўз кўргазмаларида яна ҳам фантазияга зўр беради: «С. Айтимбетов менга, Макс лақабли хизмат ити билан машина текширилганида у машинага тирмашиб ҳура бошлади, шундан шубҳа пайдо бўлди».

Ўзининг бошқа кўргазмаларида кинолог Айтимбетов: «итни машина салонига қўйиб юборганини, бироқ ит тезгина ташқарига чиқиб машина орқасига интилганини. Кейин у, юкхонани очиб, у ерга Максни қўйиб текширув ўтказганини айтади. Ўшанда Макс ҳид ола бошлайди, кийимларни титкилаб ковлай бошлайди…».

Қайд қилишим керак, хизмат ити юкхонага умуман йўлатилмади. Бунинг устига, юқорида айтганимдек, Макс бутун текширув давомида овозини чиқаргани йўқ.