«Бирдамлик» ҳаракати фаоли Элдор
 |
|---|
Чунки, унинг президентлик курсисига учинчи бора зўравонлик билан ўтириб олишининг ўзи, жаҳон давлатчилиги кўзи олдида рўй бериб, бу эса ҳаммани танг қолдирди.
Унинг ўз халқини газ, электр энергияси билан таъминлашдаги чегаралаб лимитлаш, ун, ёғ, шакар ва нонларнинг нархларини ошириш билан қийнагани етмагандай, унинг масалан инсон хуқуқ ҳимоячиларининг қамоқдан биттасини бўшатса, эртасига уларнинг учтасини қамашдай “ўйинлари” чўққисига чиқиб, кетди.
Бундай ўз халқини тирноқча менсимай, унинг минглаб бегуноҳ фарзандларини такрор айтаман, у пала-партиш эмас, балки айнан халқи учун қайғурадиган фарзандларимизнинг сараси танланиб, бутун республика бўйича яна аввалги ўзининг қамашларини давом эттирабошлади.
Унинг бебошлик даражаси чўққисига чиқиб, буларнинг ҳаммаси умумжаҳон демократияси кўзи олдида куппа-кундуз ва очиқ-ойдин содир этилиб, Бирлашган Миллатлар Ташкилотими, Европа Иттифоқими, боринг ўша Рим ва Гаага Судларининг ҳаммасига ҳам тупуриб қўядиган шахснинг бугун дунёда бор эканлиги ва бундай улуғвор шахснинг Ислом Каримов эканлиги жаҳонга намоён бўлди.
Демак харқандай бўлганда ҳам, Бундай кўриниш эса мантиқан олганда фақатгина учта шароит асосида юз бериши мумкин бўлиб, биринчи ҳолатда, бу фақат оллоҳнинг ирода-ҳоҳиши шундай бўлиши мумкин бўлса, иккинчи ҳолат, бугунги кунимизда жаҳонни аллақачон эгаллаб улгурган ва оламшумул кучга эга коррупциядан ўзбек халқининг қони сўрилиб эришган бойликлари эвазига Ислом Каримовнинг юртбошилик “тахтини”ни умирбодга сотиб олган мультимиллиардер ва учинчи ҳолатда эса унинг хақиқатан ҳам енгилмас кучли дипломат сиёсатчи эканлигини тан олишимиз керак бўлади.
Мана сизларга довруғи достон ўша Ғарбингиз демократияси-ю ва яна керак бўлса БМТнинг Женева Деклерациясига мослаб яратилган Ўзбекистон Давлат Конституцияси кучининг қаергача етаётганлиги.
Жуда қизиқ, Каримов раҳбарлигида жаҳоннинг барча халқлари қатори ўзбекларнинг мустақил ривожланиш йўлидаги бозор иқтисодини танлагани ва уларнинг хуқуқий демократик давлат қуришни режалаб бошлаган хайрли ишлари нега амалга ошмади ва ўзбек халқининг 17 йиллик тоат-ибодат ва орзу-армонлари қаёққа кетди берди?
Нега ўша орзу-тилаклар ушалиб емирилиш ўрнига улар баттар кўпайиб, халқнинг кўзича Конституциянинг қарийиб 99 фойиз моддаларини бузиб келаётган Каримовнинг айтгани, айтган ва дегани, деган бўлиб келаётир?
Буларни сиёсатчилар 17 йилдан бери гапиравериб кимлар чарчаган бўлса, бунча вақт ичида кўпларимиз қариб ўлиб ҳам кетдилар, қолган кўплар эса сургунлик-муҳожиратда ёки Каримовнинг ҳукми билан улар умирбод қамоқларна тиқилганлар.
Афсусларким, ёшларимизнинг бундай оғир шароитларга кўникиб ҳам қолаётган бир вақтда бу келажагимиз эгалари бўлган ёшларимизга энди: “ конституция дегани, бу халқимиизнинг келажакдаги эзгу орзу-тилаклари туширилгани китобча, шунинг учун ҳам бу китобчани муқаддас деймиз ва байрам қиламиз,” — деб қўйишга тўғри келаётир!
Булар эса, мустақилллика эришганига бугун 17 йил тўлаётган Ўзбекистонда муқаддас конституциямизнинг биринчи тарафдори ва керак бўлса унинг биринчи кафолати бўлган президентнинг шахсан ўзи томонидан конституциянинг оёқости бўлиши, бу ердаги мантиқнинг синиб, дабдала бўлган ҳолатидан бошқа нарса эмасми?
Ўлик қайта тирилса, мантиқ бузилади ва бундай бўлиши мумкин эмас деймиз, аммо оллоҳнинг иродаси билангина мантиқ бузилиб, ўликка жон кирмаса, мантиқ бузилмайди ва керак бўлса хали хеч кимнинг тирилгани ҳам йўқ.
Буларни ўйлаб-ўйлаб Ислом Каримовнинг мантиқни бузаолган қудратига қойил қоласан киши, чунки Амир Темир бобомизнинг: “Куч адолатдадур” деган мантиқли сўзларига ҳам Каримов: “адолат кучдадур!” деб жавоб қилмоқда бугун.
Халқимизнинг мантиқан аниқ ва ҳечқандай исботга муҳтожлиги йўқ қатор мақолларини ҳам бугунги Ўзбекистонда уларни тескари тушунишга мажбур бўлаётирмиз, масалан: “Ҳақиқат эгилади, аммо у синмайди” дейилсада, ўзбек халқи ишониб сайлаган ўз презденти ҳақиқатни эгиб келаётгани натижасида халқнинг бошига ўзи солиб қўйган 17 йиллик бу қора кунларни қизармай-нетмай, у кулимсираб “фаровонлик” деб талқин этмоқда.
Бунинг билан Каримовнинг адолатни 17 йилдан бери эгиб синдиролмаган адолат яна эгилганча қолаверади, Каримов эса тахтидан тушмайди ва бунинг устига унинг ойналаригча қорайтирилган Лимузинларнинг 10 таси олиб юрса, унинг олди ва орқасида 20 машинада қуролланган соқчилари қўриқлаб юраверса, бундай кетишда Каримовнинг жонига Азроил ҳам яқинлашаолмаса керак дейман.