“Бирдамлик” ҳаракатининг Қашқадарё вилоят бўлими раҳбари Гулшан Қораева.
 |
|---|
Шу йилнинг 6 апрель кунида қаршилик этник армани аёл, “Бирдамлик” ҳаракати фаоли Ира Акопян салкам икки йил давом этган суд можораларидан сўнг ўз уйини қонуний йўллар билан қайтариб олишга муваффақ бўлди ва бу давр ичида анчайин сарсон-саргардон бўлгани беҳуда кетмаганлигини таъкидлади. 2006 йилнинг май ойида унинг шахсий мулки бўлган 3 хоналик квартирасини ноқонуний усулда собиқ турмуш ўртоғи бўлган Валерий Акопян Пардаева Дилафрўз исмлик бошқа бир аёлга сотиб юборганди. Аёлнинг собиқ эри қаерда эканлиги шу кунгача аниқланмаган, бироқ уйни савдога қўйишда Қашқадарё вилоят архиви, нотариал идора вакиллари ҳам иштирок этиб сохта ҳужжатларни расмийлаштиргандилар. Ўша дамда уч нафар фарзанди билан Россияда бўлган “Бирдамлик” фаоли, Ира Акопян Қаршига қайтганида квартираси бошқа аёлга сотиб юборилганини кўради. Аёл ўз муаммосига расмийлар диққатини қаратиш учун 2007 йилнинг 8 март кунида Қашқадарё вилоят ҳокимлиги биносии олдида ўз ўзига намоишкорона ўт қўйишини эълон қилди. Аммо норозилик акцияси белгиланган кунда уни милиция хизматчилари ижарада яшаётган уйига қайтариб олиб боришади.«Менга нисбатан амалга оширилган бу ноҳақликда бир қанча расмий шахсларнинг ҳам қўли бор эди ва улар ўзлари ҳам жавобгар бўлиб қолишларидан чўчиб мени тинчлантиришмоқчи бўлишди. Аммо курашимни давом эттирдим», – дейди ҳаракат фаоли, Ира Акопян.Уйидан ажралган аёл Ўзбекистон Республикаси Президенти аппаратини, Республика бош прокуратураси ва мамлакат парламентини ҳам тинч қўймади. Уларга юборган аризалари матнини ўзи қўлга киритган далил исботлар билан мустаҳкаамлаб бориди ва шу билан бирга бир неча бор Қарши шаҳридаги Мустақиллик майдонида норозилик пикетларини ҳам ўтказиб борди.
«Бу масала Фуқаролик ишлари бўйича Қашқадарё вилоят ва Республика Олий судида ҳам кўрилди. Аммо масалага ечим суд ажримларига нисбатан Республика бош прокуратураси чиқарган норозилик қароридан сўнг топилди», – деб қисқача изоҳ беради ўз исмини ошкор қилишни истамаган қаршилик инсон ҳақлари курашчиларидан бири.
Уйни сақлаб қолиш учун саъй ҳаракат қилган Д. Пардаева ҳам қараб турмади ва 3 хоналик квартирани ўзининг кекса ёшдаги онасига «ҳадя» қилиб қўя қолди. Бу эса кутилган натижани бермади.
Шу йилнинг 29 март кунида Қашқадарё вилоят суд ижроси вакиллари уйга ноқонуний эгалик қилаётган Дилафрўз Пардаевадан уйни бўшатиб қўйишни талаб қилиб келишади. Бироқ Д.Пардаева уйни бушатиб қўйиш ўрнига, квартира ичкарисига бензин сепиб уни ёқиб юбориш билан таҳдид қилишга ўтади. Шу билан бирга суд ижро органи вакиллари ва шу ерда ҳозир бўлган милиция ходимларини ҳақоратлай бошлайди. Айни шу вақтда ёш боласи «касал бўлиб» тез тиббий ёрдам машинасини ҳам чақирилди.
«Шу сабали 29 март кунидаги ижро бошқа кунга қолдирилганди. Жавобгар Д. Пардаева 5 кун ичида уйни бўшатиб бериши ҳақида тилхат такдим этди. Ижро 6 апрель куни бўлиши огохлантирилди», – деб ҳикоя қилади воқеага гувоҳ бўлган инсон ҳуқуқлари ҳимоячиси.
Унинг таъкидлаганига кўра, орадан беш куни ўтгач уйни қонуний эгасига олиб бериш учун келган суд ижро органлари вакиллари янги бир жанжалга дуч келганлар. Шу куни гувоҳлар, қўни қўшнилар ва давлат идроси ходимлари қаттиқ таҳқирланишди. Ўз уйига кириб олган Ира Акопян эса унинг обдон тозаланганини кўрди. Газ плитси ечиб олиб кетилган, электр ҳисоблагичнинг патронларигача олинган, дераза ойналари синдирилган эди.
«Уйнинг фақат тўрт девори колган, холос», – дейди жанжаллардан боши қотган Ира Акопян.
Эндиликда ишсиз ва даромадсиз аёлни бошка муаммо кутмоқда: квартирасини тўла таъмирлаш. Ҳар неки, адолат қарор топганидан Ира Акопян шод бўлса, жавобгар томони Дилафрўз Пардаева уйни Олий Суд орқали қайтиб олишини билдирган.