 |
|---|
Бугун иккинчи жаҳон урушининг якунланганига 63-йил бўлди. Ҳа, 63-йил илгари,1945-йил Совет Иттифоқи фашизмни сўзсиз таслим бўлишига мажбур этган эди. Буюк ғалабага осонликча эришилмади. Бир минг тўрт юз ўн саккиз кечаю кундуз давом этган Улуғ Ватан уруши қаҳрамонлик ва жасоратга тўла бўлиб, ушбу ғалабага кўплаб қурбонлар ва қийинчиликлар орқали эришилди. Бундай улкан зафарни қўлга киритиш учун марказий Осиё ҳалқлари, жумладан Ўзбекистонлик мард йигитлар ҳам ўлмас жасоратлар такрорлашди, жон олиб жон берди. Генарал Собир Раҳимов, лейтенант Абдусамат Тойметов, Тўйчи Эрйигитов ва Қудрат Суюнов каби ватандошларимизнинг қандай жасоратлар ва қаҳрамонликлар кўрсатганлиги барчага яхши маълум. Бугунги кунга келиб Улуғ Ватан урушида қатнашган саноқли ватандошларимиз биз билан ҳам нафас яшашмоқда.Биз, “Бирдамлик” ҳаракати жамоаси уларни бугунки 63-йиллик тантана билан табриклаймиз. Ўзбекистонда ғалаба шодиёнаси расман нишонланмасада, биз ватандошларимизни буюк ғалабанинг 63-йиллиги билан табриклаймиз ва жанг-у жадалларда ҳалок бўлган ватандошларимизни хотирлаб уларнинг охиратлари обод бўлишини яратгандан сўраймиз.