ИОСИФ КОБЗОНГА ТОШКЕНТДА КОНЦЕРТ БЕРИШГА КАРИМОВ РУХСАТ БЕРМАДИ

Ёдгор Турлибеков.
«Бирдамлик» харакати фаоли

Советлар замонида Тошкентдаги Иосиф Кобзоннинг муҳлислари сон саноқсиз эди, унинг ажойиб ширали овози ўша пайт эстрадасининг Тошкентга келган Мая Кристалинская, Муслим Магамаевлар каби машҳур эстрада ижрочилари орасида у алоҳиида ўзининг ширали овози билан ажралиб турар эди. Кобзоннинг қарию ёшлардан иборат ашаддий муҳлислари олдидаги чиқишлари доим тамошабинларнинг саҳнада уйилган гулдаста ва узоқ олқишларига сазовар бўлар эди

2007 йил, 19 ноябр куни Қирғизистон пойтахти Бишкек шахрида СССР халқ артисти, совет эстрадасининг ёрқин юлдузи ва Россия федерациясининг халқ артисти Иосиф Кобзон тўлдирган залда муҳлисларига катта концерт берди. У ўзининг гастролини МДҲ мамлакатларидан Марказий Осиёдаги ташрифини Ўзбекистондан бошламоқчи экан.

Лекин унинг бу режаси кутилмаганда Тошкент томонидан қатьий рад этилибти.Тошкентнинг рад жавобига қизиққан Кобзонга анча кечикиб юқоридан жавоб беришларича, Кобзоннинг қўшиқлари советларни пропаганда қилар эмиш. Бу жавоб бир оғиз сўз-ла тушунарсиз жумбоқларга тўлган бир баҳона эди холос.

Бундай иддаоларни Иосиф Кобзон концерт тугагандан сўнг барча тамошабинлар ва журналистларга айтаркан, у ўз илтимосига кўра ҳамма МДҲ давлатларида ҳам унинг конқертларига қаршилик қилинмаган ҳолда, афсуски уни Каримов Ўзбектстонга қўймаганини айтади.

У қирғиз муҳлисларининг алоҳида қизғин кутиб олганлари учун раҳмат айтиб хайрлашади.. Бишкекда фақат бир кунгина берилган катта концертнинг эртасига у Душанбега учиб кетди ва кечи билан у ерда ўз концертини тугатган 2 ярим минг тамошабинни сиғдириб тўлган бу кошона саҳнасида туриб Кобзон тамошабин муҳлисларига уларнинг зўр олқишларига раҳмат айтади.

Концерт охирида Тожикистон президенти Имомали Раҳмоновнинг алоҳида Иосиф Кобзонга атаб совғғаси, гулллар тўлган жуда катта сават келтиридиб топширилади. Бундай ҳурмат учун президентга ташаккур айтиб, Иосиф Кобзон яна Ислом Каримовни эслаб шундай дейди: Мен истардимки, менинг Ўзбекистонда бир кунлик концертимга рухсат бермаган Каримовнинг қани эди, иложи бўлса, сиз 2 ярим минг йиғилган алоҳида шодон тамошабинларнинг олқишларингизни ва жаноб Имомали Раҳмоновнинг бу совғасини у кўрса яхши бўлар эди, — деди улкан гулсаватни боши узра у зўрға кўтарган ҳолда.