«Бирдамлик» фаоли Элдор.
Алишернинг ваҳшийларча отилгани дунёга яшиндек тарқалиб, эшитганларнинг ҳаммасида бу журналистнинг 26 ёшда эканлиги айниқса қаттиқ ачиниш уйғотди.
Айниқса 50 миллиондан ортиқ Ўрта Осиё халқларининг қалбидаги қайғулар алоҳида чуқур ва қотилга нисбатан уларнинг ғазаблари чексиз эди.
Алишер Соиповни танимаганлар ҳам, уни билмаганлар ва ҳам ҳатто бу машъум хабарни эшитмаганларнинг ҳам Ўзбекистонда кўплаб экани, афсуски бу ачинарли хақиқатдир.
Чунки асосий ишлари сайлов олдидан фақат Каримовни мақташ бўлган Ўзбекистоннинг ахборот воситаларида бундай хабарларни тарқатиш учун юқоридан алоҳида рухсат керак.
Бу хабарни эълон қилайликми, —- деган мухаррирларга юқоридан телефонда дўқ ҳам қилинди: Алишер Соипов сизга ким бўлади, мунча сизларнинг унга жонингиз ачиб қолди, унинг кимлигини води газеталаридан ўқиш керак эди, дейилди.
Бундай жавобдан эсанкираган мухаррирлар: нега бердим экан, шу саволни, ишқилиб қора рўйхатга тушмасам… деган қўрқинчдан бу хабар уларда ёйилмади.
Лекин бу машьум хабар ҳаммаёқда шов-шувга айланиб кетгандан сўнг, Ўзбекистоннинг айрим ахборот манбаъларидагина: қирғизистонлик Алишер Соипов деган журналист отиб ўлдирилди, деган бир оғиз хабарни эълон қилишга улар мажбур бўлишди.
Бу мухаррирлар водининг Андижон ва Наманган газеталари ва телевидениядаги яқинда Алишер Соиповни сотқиндан олиб, хоинга солинган ва унинг бу “қилмишлари” учун “муносиб жазоланиши” керак деган иддаоларидан пешоналари тиришиб қабул қилган эдилар.
Лекин улар ўшанда ўз халқининг бу оташин миллатсевар қахрамонига уч ўқ билан ёвузларча “муносиб жазо” берилишини ҳаёлларига ҳам келтирмаган эдилар.
Бугунги ёвуз қотиллик, интернет ва жаҳоннинг барча прогрессив матбуотларидаги билдираётган фикрларнинг қарийиб ҳаммаси ҳам, булар Каримовнинг сайловолдидан Алишер Соиповга ўхшаганлар мендан шундай жазо оладилар деган мазмундаги хабарлар эди.
Булар Каримовнинг ўз халқини очиқ ва хақиқий геноцид ва террор қилишга халақит бераётган журналистларни қамаш ва онда-сонда Эминжон Усмонов, Сергей Гребенюклар каби журналистларнинг олган ўлим жазоларидан навбатдагиси эди.
Шу ерда Алишер Соиповнинг ватани ҳисобланмиш Марказий Осиёдаги хозир “демократик орол” деб тан олинаётган Қирғизистон хукуматининг бу қонли террорга муносабати илиқ ва мақтовга сазовор дейиш мумкин.
Мамлакат президенти Қурманбек Бақиевнинг бу қотиллар демократиянинг ашаддий душманлари, уларнинг дарҳол топилиб, қаттиқ жазолашини мен ўз назоратимга оламан, деган ва унинг махсус топшириғи билан пойтахтдан 800 км узоқдаги Ўшга Қиғизистон Миллий Хавфсизлик ва Ички ишлар тергов ишлари бўйича бўйича мутассади уч генерални ва республиканинг энг тажрибали терговчилар гуруҳини юборди.
Улар бу оғир жиноятнинг ҳали иссиқ изидан, тафсилотларини мукаммал ўрганиш ва қотилни аниқлашга киришдилар, аммо бахтга қарши хозирча тажрибали қотил-киллерлар бажарган оғир жиноят излари топилмай, натижаларни эса вақт кўрсатадиганга ўхшаётир.
Куни кеча Бишкекка Қозоғистон республика омбудсмани Турсунбой Бакиров ташриф қилган ва у журналистларга, бу жиноятнинг мантиқан изоҳлари тўғридан тўғри Каримовга бориб тақалишини ва бу ишларнинг ўта мураккаб ва нозиклиги учун улар совуб қолгач, ўз-ўзидан ёпилиб кетишидан хавотирда эканини айтган.