Тошкентда мустақил журналист Сид Янишев номаълум шахсларнинг ҳужумига учраган. Ҳодиса журналист Чирчиқ шаҳридан хизмат сафаридан қайтаётган пайт содир бўлган.
Журналистнинг айтишича, ўзини Миллий хавфсизлик хизматининг ходими, деб таништирган шахслардан бири уни эҳтиёт бўлиш ҳақида огоҳлантирган.
Сид Янишев: Биз кеча ҳамкасбим билан Чирчиқ шаҳрига борган эдик. У ердаги оғр турмуш шароити ҳақида бизга маълумот келиб тушган эди. Тошкентга қайтиб, ҳамкасбим билан хайрлашгач, мен такси тўхтатиш учун йўл бўйига чиқдим. Шунда 25 ёшлар чамаси башанг кийинган икки йигит менинг олдимга келиб, қаерга кетаётганим ва нима қилмокчи эканим ҳақида сўрай бошладилар. Мен уларнинг ўткинчи одамлар эмаслигини бирдан тушундим. Улар менга бир нечта саволлари борлигини айтиб, четроққа ўтишни сўрашди. Панароқ жойга ўтган пайтимиз улардан бири ёнидан гувоҳномасини чиқарди-ю, яна қайтиб чўнтагига солиб қўйди. Мен унинг на исми ва на фамилиясини ўқишга улгурдим. Гувоҳномани яна бир марта кўрсатишни сўраганимни биламан, бир мушт келиб тушди. Кўзойнагим ва қўл телефоним учиб кетди. Беш дақиқа давомида мени тинмай дўппослашди. Шундан кейин уларга кимдир телефон қилиб қолди-ю, ўзбекча нималарнидир гаплашиб, кўздан ғойиб бўлишди…
Би-би-си: Бу ҳодиса сизнинг журналистик фаолиятингиз билан боғлиқ бўлмаслиги ҳам мумкинми?
Сид Янишев: Улар ўзларини хавфсизлик ходимлари деб таништиргани учун ҳам мен ҳодиса журналистик фаолиятим билан боғлиқ, деб ўйлайман. Қолаверса, улардан бири дўппослаётган пайт «биз ҳақимизда ёмон нарсаларни ёзишни тўхтат!», деб айтди.
Би-би-си: Сиз ҳодиса юзасидан
милицияга мурожаат қилмадингизми?
Сид Янишев: Йўқ, ундан кейин милицияга мурожаат қилмадим. Чунки уларнинг ўзи оператив ходимлар бўлганидан сўнг милицияга
мурожаат қилиш вақтни бекорга кетказиш, дегани.
Би-би-си: Сизнинг-ча, бу каби ҳодиса нима учун айнан ҳозир содир бўлаяпти?
Сид Янишев: Биласизми, президент сайловлари арафасида, назаримда, ҳукумат ўзини ноқулай аҳволга солиб қўядиган кўпгина ҳаракатларга қўл ураяпти. Масалан, Либерал-демократлар партиясининг Президент Каримов номзодини илгари суришини олайлик. Бу Ўзбекистоннинг амалдаги барча қонунлари ва конституцияга хилоф бир нарса. Бу – бемаънилик. Мен эса бу мавзуда туркум мақолаларни эълон қилган эдим. Шундан буён изимдан пойлаб юришганини сезаяпман. Назаримда, ҳукуматнинг аниқ дастури йўқ. Улар ҳозир ҳаммадан ва ҳамма нарсадан ҳадиксирашаяпти.
Би-би-си: Аммо иккинчи томондан, ҳукумат сайловларни фаол тарғиб қилаяпти ва матбуот анжуманларини уюштириб, унга, айтайлик, чет эллик журналистларни ҳам таклиф қилаяпти. Булардан мақсад нима деб ўйлайсиз?
Сид Янишев: Улар фақат аккредитациядан ўтган чет эллик журналистларгагина маълумот беришаяпти. Мен эса рўйхатдан ўтмаганман ва бу каби матбуот анжуманларига менга ўхшаган мустақил журналистларни қўйишмайди.
Би-би-си: Сиз ҳодиса юзасидан
милицияга мурожаат қилмадингизми?
Сид Янишев: Йўқ, ундан кейин милицияга мурожаат қилмадим. Чунки уларнинг ўзи оператив ходимлар бўлганидан сўнг милицияга
мурожаат қилиш вақтни бекорга кетказиш, дегани.
Би-би-си: Сизнинг-ча, бу каби ҳодиса нима учун айнан ҳозир содир бўлаяпти?
Сид Янишев: Биласизми, президент сайловлари арафасида, назаримда, ҳукумат ўзини ноқулай аҳволга солиб қўядиган кўпгина ҳаракатларга қўл ураяпти. Масалан, Либерал-демократлар партиясининг Президент Каримов номзодини илгари суришини олайлик. Бу Ўзбекистоннинг амалдаги барча қонунлари ва конституцияга хилоф бир нарса. Бу – бемаънилик. Мен эса бу мавзуда туркум мақолаларни эълон қилган эдим. Шундан буён изимдан пойлаб юришганини сезаяпман. Назаримда, ҳукуматнинг аниқ дастури йўқ. Улар ҳозир ҳаммадан ва ҳамма нарсадан ҳадиксирашаяпти.
Би-би-си: Аммо иккинчи томондан, ҳукумат сайловларни фаол тарғиб қилаяпти ва матбуот анжуманларини уюштириб, унга, айтайлик, чет эллик журналистларни ҳам таклиф қилаяпти. Булардан мақсад нима деб ўйлайсиз?
Сид Янишев: Улар фақат аккредитациядан ўтган чет эллик журналистларгагина маълумот беришаяпти. Мен эса рўйхатдан ўтмаганман ва бу каби матбуот анжуманларига менга ўхшаган мустақил журналистларни қўйишмайди.
Манба:Би-Би-Си.