«Бирдамлик» ҳаракати фаоли
Саида Қурбон.
Пахтакор туманига қарашли Навбаҳор хўжалиги ҳудудида
жойлашган А Яссавий номли 7-ўрта мактаб бу йилги ўкув йилини янгича усул билан бошлашган. Қўшниларим Шерова Умида, Солиева Рухсатой ва
бошқаларнинг айтишларича бу йил Приезидентнинг совғаси сифатида
тарқатилган сумкалар учун ҳар бир ота-онадан 500 сўмдан олинган.
–“Совға ҳам сотиладими?”—дея этироз билдирганларга, мактаб маьмурлари:
–“Ҳаражатимиз бор”—дейишган. Ҳакли эътирозлар кўпайиб кетгач ота-оналар билан мажлис ўтказилиб, бу йиғилган суммага синф ойналарига парда (ҳар йили олинади) олишлигини айтиб, пулларини қайтариб беришмаган.
Яна пул йиғишнинг антиқа усулларини ўйлаб топишибди. Қўшним
Рухсатойнинг қизи мактабга бориб қайтиб келди ва қўлида олиб келган
кундалик дафтари учун 600 сўм пул беришини онасидан сўради. Буни
қарангки у қизига ўқув йили бошланишидан олдин бозордан 400 сўмга кундалик ў дафтари олиб келган экан.
Иккаламиз кундаликларни солиштириб кўрдик. Улар бир ҳил бўлсада
ўкитувчи кундаликни 200 сўм кимматга берибди. Рухсатой қизига
кундаликни ўқитувчисига қайтариб беришини айтганда қизи ўқитувчисига
ўзининг кундалигини кўрсатганини лекин ўқитувчилар:
–“Ҳамма мана шунақанги кундалик олишлари шарт”—дейишганини айтди ва онаси билан жанжаллашиб 600 сўм пулни олиб кетди.
Мактабимизда ўқувчиларга синфларига қараб темир-терсак (металлом) йиғиш топшириғи берилган, улар снифига қараб белгиланган килограмм металломни мактабга олиб боришлари ёки пулини тўлашлари шарт. Бундан ҳам ачинарлиси мактабдан сабабсиз қолган ўқувчи хар бир куни учун 400 сўмдан пул тўлашса ўқувчи шу куни мактабдан озод қилинади.
Айни пайтда пахта терим мавсуми қизғин кетаётган бир паллада 3 – 4 сниф
ўқувчилари, ёш болакайлар пахта теримида қатнашишмоқда. Улар синф
деразаларига парда, гул олишлари учун, макта маьмуриятидан китоб сотиб
олишлари учун, синф хоналарини таъмирлаш учун ( гарчи мактабимиз давлат
томонидан 2006 йил капитал таъмирдан чиқган бўлсада) пул беришга
мажбурлар. Бу муаммолар Пахтакор туманининг бошқа мактабларида ҳам
мавжуд. Жумладан Зебунисо номли мактабнинг 2–сниф ўқувчиси Сарвиноз
Яхшиликова 15 кг, унинг опаси Хурсаной эса 25 килограмм металлом олиб
боришга мажбур қилинганлар. Агар олиб боришмаса уларни мактабдан
хайдашади.
Фарзандларимиз – бу келажагимиз. Келажакни захарлашга хеч кимнинг
ХАККИ йук.