24.03.2015
Баҳс Онлайннинг навбатдаги мунозарасида Ўзбекистон президентлигига виртуал сайловда энг кўп овоз тўплаган уч номзод иштирок этади. Виртуал номзодлар – Баҳодир Чориев, Намоз Нормўмин ва Мирраҳмат Мўминовга саволларингиз бўлса, 25 март, чоршанба куни Тошкент вақти билан соат 19.05да ўтказиладиган баҳсда қатнашинг.
Ўзбекистон президенти виртуал сайловида 23 мартгача бўлган натижалар Виртуал сайлов комиссияси томонидан эълон қилинди.
Бу натижаларга кўра, Бирдамлик халқ демократик ҳаракати раҳбари Баҳодир Чориев (23,27%) биринчи ўринда, Ўзбекистон Халқ демократик партияси раиси Ҳотамжон Кетмонов иккинчи (14,68%) ўринда ва “Миллий тикланиш” партиясидан номзод Акмал Саидов (13,54%) учинчи ўринда бормоқда.
“Адолат” социал-демократик партияси раиси Наримон Умаров (12,17%) эса тўртинчи поғонани эгаллаб турибди. Улардан кейин энг кўп овоз тўплаганлар эса ўзбек ҳукуматига мухолиф номзодлар Намоз Нормўмин (9,66%) ва Мирраҳмат Мўминов (7,54%)дир.
Ўзбекистон Марказий Сайлов Комиссияси томонидан рўйхатга олинган номзодлар виртуал сайловларни тан олмагани боис, виртуал номзодлар орасидаги сўнгги дебатга Баҳодир Чориев, Намоз Нормўмин ва Мирраҳмат Мўминовни таклиф қилдик.
Бу гал номзодлар билан баҳслашиш ва уларга саволлар бериш имконини тингловчиларга берамиз.
Баҳснинг тўлиқ вариантини қуйида тингланг:
BahsOnlineда виртуал дебатлар: Б.Чориев – Н.Нормўмин – М.Мўминов
Агар сизда бу уч номзодга саволларингиз ва уларнинг дастурларига оид фикр-мулоҳазаларингиз бўлса, 24 март, чоршанба куни Тошкент вақти билан соат 19.05дан кейин OzodlikOnline, OzodSkype, OzodOvoz Скайп манзилларига боғланинг.
Саволларингизни, ушбу мақолага шарҳ сифатида қолдиришингиз, шунингдек sadriddin61@gmail.com электрон почта манзилига ҳам юборишингиз ҳам мумкин.
Хабар, фото ва видеоларни ОЗОДЛИКка +420 724 971 539 WhatsApp ва Telegram орқали юборинг!
Озодликнинг жонли мулоқотларида душанба ва чоршанба кунлари Тошкент вақти билан соат 19:00да OzodOvoz, OzodSkype ва Ozodlik Online Skype манзиллари воситасида қатнашинг!
Озодлик шахсингиз сир қолишини кафолатлайди.
Xabar, foto va videolarni OZODLIKka +420724971539 WhatsApp va Telegram orqali yuboring!
Ozodlikning jonli muloqotlarida dushanba va chorchanba kunlari Toshkent vaqti bilan 19:00da Ozodovoz, Ozodlikonline va Ozodskype Skype manzillari vositasida qatnashing!
Ozodlik radiosi shaxsingiz sir qolishini kafolatlaydi.